• Əsas
  • Müsahibə
  • Xəbər göndər
  • Reklam
  • Əlaqə
  • +994 77 312 00 04 -+994 12 404 81 43 - info@diasportv.az

  • SON DƏQİQƏ

    Azərbaycanın Misirdəki diasporunun fəaliyyəti yüksək qiymətləndirilib

    Misir Nümayəndələr Palatasının Din və Vəqflər İşləri Komitəsinin və yeni yaradılmış Misir–Azərbaycan Parlamentlərarası dostluq qrupunun sədri Üsəmə əl-Abd ilə Azərbaycanın Misirdəki Diaspor Təşkilatları Birliyinin sədri, Qahirə Universitetinin müəllimi, tədqiqatçı alim Seymur Nəsirov arasında görüş keçirilib.

    AZƏRTAC xəbər verir ki, görüşdə Misir-Azərbaycan Parlamentlərarası dostluq qrupunun yaradılmasının ölkələrimiz üçün əlamətdar hadisə olduğu və dövlətlərimiz arasında ənənəvi dostluq əlaqələrinin inkişafında yeni töhfələr verəcəyi vurğulanıb.

    S.Nəsirov Azərbaycanın Misirlə ikitərəfli əlaqələrə böyük önəm verdiyini bildirərək, ölkələrimiz arasında tarixi əlaqələrdən danışıb. O, bu ölkədəki diasporumuzun fəaliyyətindən və bu gün Misirin müxtəlif universitetlərində 600-dən çox tələbəyə Azərbaycan dilinin tədris edildiyi barədə ətraflı məlumat verib.

    Üsəmə əl-Abd Azərbaycanın Misirdəki diasporunun fəaliyyətini yüksək qiymətləndirib. O, Azərbaycan xalqına Cümhuriyyətin 100 illiyi münasibətilə təbriklərini çatdırıb.

    Görüş zamanı gələcək planlar haqqinda geniş fikir mübadiləsi aparılıb.

     

    azertag.az

    ____________________

    DİASPORTV.AZ


    WhatsApp



    Şərhlər (Facebook)