• Əsas
  • Müsahibə
  • Xəbər göndər
  • Reklam
  • Əlaqə
  • +994 77 312 00 04 -+994 12 404 81 43 - info@diasportv.az

  • SON DƏQİQƏ

    Monteneqrodakı soydaşlarımızdan AXC-nin 100 illiyi ilə bağlı təbrik mesajı

    Xəbər verildiyi kimi, Diaspor və İctimai Təşkilatların Əməkdaşlıq Platforması çərçivəsində könüllü olaraq keçirilən “Azərbaycan Xalq Cümhuriyyətinin 100 illiyi” kampaniyasına Monteneqrodakı soydaşlarımız da qoşulublar. Azərbaycan-Monteneqro mədəni və iqtisadi əlaqələr mərkəzinin direktoru Seyran Mirzəzadənin təşkilatçılığı ilə “Azərbaycan Xalq Cümhuriyyətinin 100 illiyi” kampaniyası çərçivəsində silsilə tədbirlər keçirilib. Belə ki, 18 may tarixində Monteneqronun Donya Qoritsa Universitetində Azərbaycan Xalq Cümhuriyyətinin 100 illiyinə həsr olunmuş “Azərbaycan və Monteneqro Birinci Dünya Müharibəsindən sonra” mövzusunda konfrans keçirilib.
    Daha sonra, Monteneqronun paytaxtı Podqoritsa şəhərində böyük Azərbaycan mütəfəkkiri Hüseyn Cavidin büstünün və Azərbaycanın dövlət gerbinin yerləşdiyi ünvandan soydaşlarımız dünya azərbaycanlılarına təbrik mesajlarını göndəriblər.
    Həmçinin, yerli xalqa Azərbaycan Xalq Cümhuriyyəti haqqında monteneqro dilində hazırlanmış məlumat vərəqələri və “ADR 100th anniversary - 1918-2018” döş nişanları paylanılıb.
    Xatırladaq ki, “Azərbaycan Xalq Cümhuriyyətinin 100 illiyi” kampaniyasının təşkilatçıları Azərbaycan Prezidenti yanında QHT-lərə Dövlət Dəstəyi Şurasının üzvü Nərgiz Xələf və Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadədir. Kampaniyanın məqsədi Diaspor və İctimai Təşkilatların Əməkdaşlıq Platforması adı altında dünya azərbaycanlılarında komanda işini aktivləşdirmək, xaricdəki soydaşlarımızın həmrəyliyini gücləndirməkdir. Kampaniyaya 11 ölkədən (ABŞ, Kanada, Norveç, Monteneqro, Rusiya, Almaniya, Hollandiya, Polşa, Türkiyə, Ukrayna və Kipr) diaspor təşkilatları qoşulub. Ayrıca Azərbaycandakı 20-dən artıq QHT bu kampaniyanın virtual təbliğatını aparır.
    https://www.youtube.com/watch?v=50KZXL3GIcM&feature=youtu.be

    Kampaniyaya aşağıdakı təşkilatlar qoşulub:
    Xaricdəkilər
    1. Azərbaycan-Amerika Qadın Cəmiyyəti
    2. Alman-Azərbaycan Dostluq Cəmiyyəti
    3. Benilüks Azərbaycanlıları Konqresi
    4. Azərbaycan-Monteneqro Mədəni və İqtisadi Mərkəzi
    5. Krasnoyarsk diyarı üzrə Azərbaycan Milli-Mədəni Muxtariyyatı Təşkilatı
    6. Ukraynada Gənclər Dünyası İctimai Birliyi
    7. Azərbaycan-Kipr Dostluq Cəmiyyəti
    8. Azərbaycan-Kipr Gənclər və Dostluq Alyansı
    9. Doğu Akdeniz Universitetinin nəzdində Azərbaycan Tələbə Cəmiyyəti
    10. Azərbaycan Qadınları Mədəniyyət Mərkəzi Dərnəyi
    11. Birləşmiş Dünya Azərbaycanlıları Təşkilatının Kanada Koordinatoru
    12. Norveçdə CAN Təşkilatı
    13. Norveç Azərbaycan Gənclər Təşkilatı
    14. Norveç Azərbaycan Tələbələr Təşkilatı
    15. Polşada Azərbaycanlı Gənclər Şurası

    Azərbaycandakılar
    16. “Həmrəy” Gənclərin Maarifləndirilməsinə Dəstək İctimai Birliyi
    17. “Yeni Həyat” Humanitar və Sosial Dayaq İctimai Birliyi
    18. “İnkişafa Doğru Qadın Təşəbbüsü” İctimai Birliyi
    19. Gənclərin Həmrəyliyi İctimai Birliyi
    20. Azərbaycan Gənclərinin Avropaya İnteqrasiyası Təşkilatı
    21. Azərbaycan Diasporu İnformasiya Mərkəzi
    22. XX Əsrin Qadınları İctimai Birliyi
    23. “Vəfa” Sosial-İctimai Birliyi
    24. “Azad Həmfikirlər” Gənclərin Maarifləndirilməsi İctimai Birliyi
    25. Gəncə Regional Qadın Mərkəzi
    26. DiasporTV
    27. Sosial-İqtisadi və Ekoloji İnkişaf İctimai Birliyi
    28. Dünya Gənc Türk Yazarlar Birliyi
    29. İnformasiya Təşübbüslərinə Dəstək İctimai Birliyi
    30. Sabir Fondu
    31. Peşəyönümlü Təhsilin İnkişafına Yardım İctimai Birliyi
    32. Beynəlxal Mutikultural Şəbəkəsi
    33. ENACTUS Azərbaycan
    34. “Tərəqqi” Sosial İqtisadi Araşdırmalar İctimai birliyi
    35. Dünya Azərbaycanlılarının Həmrəyliyinə Dəstək İctimai Birliyi
    36. Sahibsiz Uşaqlara Kömək İctimai Birliyi
    37. “Ailə Dünyası” Ailələrə Hüquqi Yardım İctimai Birliyi

     

    http://palitranews.az

    ____________________

    DİASPORTV.AZ


    WhatsApp



    Şərhlər (Facebook)