• Əsas
  • Müsahibə
  • Xəbər göndər
  • Reklam
  • Əlaqə
  • +994 77 312 00 04 -+994 12 404 81 43 - info@diasportv.az

  • SON DƏQİQƏ

    Diaspor və ictimai təşkilatlar əməkdaşlığı gücləndirəcəklər

    Xəbər verildiyi kimi, may ayı ərzində Diaspor və İctimai Təşkilatların Əməkdaşlıq Platforması çərçivəsində könüllü olaraq “Azərbaycan Xalq Cümhuriyyətinin 100 illiyi” kampaniyası keçirilib. İyunun 5-də Prezident yanında QHT-lərə Dövlət Dəstəyi Şurasında “Azərbaycan Xalq Cümhuriyyətinin 100 illiyi” kampaniyasının nəticələri ilə bağlı iclas təşkil edilib.

    vb

    Kampaniyasının təşkilatçılarından olan Prezident yanında QHT-lərə Dövlət Dəstəyi Şurasının üzvü Nərgiz Xələf çıxış edərək göstərilən həmrəyliyə görə hər bir iştirakçıya təşəkkür edib.

    bh

    Kampaniyanın digər təşkilatçısı Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadə ilk dəfə olaraq diaspor və ictimai təşkilatların belə birlik nümayiş etdirdiklərini deyib.

    vgf

    Sonra kampaniyaya qoşulan diaspor üzvləri videogörüntü vasitəsilə öz fikirlərini bölüşüblər. Diaspor üzvləri belə əməkdaşlıqdan məmnun olduqlarını vurğulayıblar. Diaspor və İctimai Təşkilatların Əməkdaşlıq Platforması çərçivəsində ilk həyata keçirilən bu kampaniyanın gücləri birləşdirdiyini bildiriblər.

    Daha sonra Azərbaycanda kampaniyanın virtual təbliğatını aparan QHT nümayəndələri çıxış ediblər. Onlar belə bir kampaniyanın tarixi əhəmiyyət daşıdığını qeyd ediblər.

    İclasda Diaspor və İctimai Təşkilatların Əməkdaşlıq Platformasının işinin davamlı olması vurğulanıb və növbəti həyata keçiriləcək layihələrin müzakirəsi aparılıb.

    vg

    Xatırladaq ki, “Azərbaycan Xalq Cümhuriyyətinin 100 illiyi” kampaniyasının məqsədi Diaspor və İctimai Təşkilatların Əməkdaşlıq Platforması adı altında dünya azərbaycanlılarında komanda işini aktivləşdirmək, xaricdəki soydaşlarımızın həmrəyliyini gücləndirməkdir. Kampaniya çərçivəsində 8 ölkədən (ABŞ, Norveç, Monteneqro, Rusiya, Almaniya, Hollandiya, Ukrayna və Kipr) soydaşlarımız AXC-nin 100 illiyi ilə bağlı dünya azərbaycanlılarına təbrik mesajı ünvanlayıblar. Soydaşlarımız əllərində Azərbaycanın 1918-20 illərindəki xəritəsi olan posterlər və bayraqlar tutaraq videogörüntü vasitəsilə öz ürək sözlərini deyiblər. Həmvətənlərimiz, eyni zamanda yaşadıqları ölkədə AXC haqqında məlumatlandırma aparıblar. Ayrıca Azərbaycandakı 20-dən artıq QHT bu kampaniyanın virtual təbliğatını aparıb.

    bnm

    Kampaniyaya aşağıdakı təşkilatlar qoşulub:

    Xaricdəkilər

    1. Azərbaycan-Amerika Qadın Cəmiyyəti
    2. Alman-Azərbaycan Dostluq Cəmiyyəti
    3. Benilüks Azərbaycanlıları Konqresi
    4. Azərbaycan-Monteneqro Mədəni və İqtisadi Mərkəzi
    5. Krasnoyarsk diyarı üzrə Azərbaycan Milli-Mədəni Muxtariyyatı Təşkilatı
    6. Ukraynada Gənclər Dünyası İctimai Birliyi
    7. Azərbaycan-Kipr Dostluq Cəmiyyəti
    8. Azərbaycan-Kipr Gənclər və Dostluq Alyansı
    9. Doğu Akdeniz Universitetinin nəzdində Azərbaycan Tələbə Cəmiyyəti
    10. Azərbaycan Qadınları Mədəniyyət Mərkəzi Dərnəyi
    11. Birləşmiş Dünya Azərbaycanlıları Təşkilatının Kanada Koordinatoru
    12. Norveçdə CAN Təşkilatı
    13. Norveç Azərbaycan Gənclər Təşkilatı
    14. Polşada Azərbaycanlı Gənclər Şurası

    Azərbaycandakılar
    15. “Ailə Dünyası” Ailələrə Hüquqi Yardım İctimai Birliyi

    16. “Həmrəy” Gənclərin Maarifləndirilməsinə Dəstək İctimai Birliyi
    17. “Yeni Həyat” Humanitar və Sosial Dayaq İctimai Birliyi
    18. “İnkişafa Doğru Qadın Təşəbbüsü” İctimai Birliyi
    19. Gənclərin Həmrəyliyi İctimai Birliyi
    20. Azərbaycan Gənclərinin Avropaya İnteqrasiyası Təşkilatı
    21. Azərbaycan Diasporu İnformasiya Mərkəzi
    22. XX Əsrin Qadınları İctimai Birliyi
    23. “Vəfa” Sosial-İctimai Birliyi
    24. “Azad Həmfikirlər” Gənclərin Maarifləndirilməsi İctimai Birliyi
    25. Gəncə Regional Qadın Mərkəzi
    26. DiasporTV /diasportv.az
    27. Sosial-İqtisadi və Ekoloji İnkişaf İctimai Birliyi
    28. Dünya Gənc Türk Yazarlar Birliyi
    29. İnformasiya Təşübbüslərinə Dəstək İctimai Birliyi
    30. Sabir Fondu
    31. Peşəyönümlü Təhsilin İnkişafına Yardım İctimai Birliyi
    32. Beynəlxal Mutikultural Şəbəkəsi
    33. ENACTUS Azərbaycan
    34. “Tərəqqi” Sosial İqtisadi Araşdırmalar İctimai birliyi
    35. Dünya Azərbaycanlılarının Həmrəyliyinə Dəstək İctimai Birliyi
    36. Sahibsiz Uşaqlara Kömək İctimai Birliyi

    Diaspor və ictimai təşkilatlar əməkdaşlığı gücləndirəcəklər

    Diaspor və ictimai təşkilatlar əməkdaşlığı gücləndirəcəklər


    DFJD-nin Mətbuat xidməti

     

     

    ____________________

    DİASPORTV.AZ


    WhatsApp



    Şərhlər (Facebook)